බින්දු

මේ  මහා පොළවෙ ලස්සනට පිපෙන මල් නම් කීයක් තියෙනවද.....ඒත් ඒව සදාකාලිකවම පිපිල තියෙන්නේ නෑ...අපිට පේන්න පිපිල ටික දවසකින් පරවෙලා යනව...හ්ම්ම්ම්....
ඒත්... අනේ ඒත්....කොහොම හරි කරල ඒ එකම එක මලක්වත් මට තියාගන්න පුළුවන් නම් හැමදාමත්..... දන්නව හිත හොඳටම දවල් හීන බැලුවට හැබෑවෙන්නෙ නැහැ කියලත්.... මොනවා කරන්නද...
හිතුවක්කාර වෙලා හිත....

මට විතරක් ඇයි

තප්පර මිනිත්තු

පැය දින 

සති මාස ගණනක්

ගෙවී ගෙවී යනවා

වැදගැම්මකට නැතුවම 

මම තව තවත් 

වයසටම යනවා

උදේ නැගිට්ටම 

පිම්මේ දුවගෙන 

යන්නෙ ටොප්ජෝබ්

දිනපතා දැම්මත් 

ජීවදත්තය

දිගට හරහට 

ඇති පලක් නෑ වගේ

දවසක්  කෙනෙක් කිව්වා 

වගේ මතකයි ලාවට

පහුවෙලාලු හරියන්නෙ

මේ මට

දුක තේරෙන්නෙ

මගේ පපුවට

විතරද

ඇත්ත

                                                                                

මං මෝඩ උනා

පිළිගත්තෙ නෑ මං

ඔයා මට කිව්වට

වයසින් 

මෝරනකොට

ඔයාට තේරෙයි 

කියල 

මං මක්කරන්නද 

එතකොට මං 

පොඩි වැඩියි 

තේරුම් ගන්න 

සමහර මිනිස්සු  

අවස්ථාවාදියි

කුහකයි කියල

දැන් නම් දන්නව

ඔයා ඒ කියපු 

හැමදේම 

අමුම අමු 

ඇත්ත කියල

අසුරු සැණින්

"අනේ කෝ තාම නැහැනේ ....දැන් මම කොච්චර වෙලා නම් හිටියද.මගේ කකුල් දෙකත් රිදෙනවා හිටගෙනම ඉඳල."

මම හිතින් හිතා ගත්ත.බස් එකට දිග පෝලිමක්.ඒ මදිවට ගොඩක් වෙලාවකින් බස් ආවෙත් නැහැනෙ.පෝලිමේ හිටගෙන ඉඳලම මගේ කකුල් දෙකත් හොඳටෝම රිදෙනව.දැන්නම් එයාට එන්න වෙලා.හොඳටම දන්නව මං ඇවිල්ල ගොඩක් වෙලා කියල.ඒත් තාම නැහැනෙ.

"හෙලෝ,ඔයා කොහෙද ඉන්නෙ අයියේ?එන්න තව ගොඩක් වෙලා යයිද?"

"තාම මග.තව ටිකයි,තව ටිකයි.ඔහොම ඉන්න මම ටක්ගාල එන්නම්කො"

සිතින් ඔබ තව ඈත

සිතිවිල්ලකින්වත් 

එන්නෙ නැති නම් ඔයා 

හිතේ සැනසිල්ලකට 

ළඟත් නැති නම් ඔයා

ගෙවෙන හැම මොහොතකම 

තේරුමක් නෑ තවත් 

ඔබ නමින් ලතැවෙන්න

සැපක් මං අඬනවා

හිතේ දුක දියවෙන්න